طريقه طهي اللحوم : العرق الفليتو
ازيكو يا فوزيات ها خلصت الاجازه وعيدنا طبعا احنا قضنه مع بعض فى البيت يلا الحمد الله لنا الله
دى بقي طريقه العرق الفليتو
تبليه من بليل كام فص توم وفلفل اسود وكمون وبهارات لحم وبابريكا وجوزه الطيب وليمون وبهارات مشكله وقرفه وفلفل أخضر ونضرب كله فى الكبه وندعك العرق بالتتبيله ونحطه فى صنيه ونغلفه وعلى التلاجه🔪🔪🔪نقوم تانى يوم نجيب صنيه ونحط فيها زبده أو سمنه ونزل العرق نحمره كويس اوى اوى اوى من كل ناحيه يا فوزيه 🔪🔪🔪تبقي مجهزه حله فيها ميا مغلي وبهارات ونزلى العرق فيها بعد ما تحمر أو فى طريقه تانيه تدخله الفرن يكمل سوى
بس انا عملته فى الميا والمره إلا جايه هجرب الفرن
بس سبيه يستوى بياخد ساعتين طلعيه وسبيه يهدى من السخونيه خالص وبعد كده قطعيه شرايح عايزه تدخله التلاجه وتقدميه بارد اوك عايزه تقدمه يا دوب يهدى من السخونيه اوك دى يرجع ليكى انتى يا فوزيه واعملى معه مكرونه وسلطه طحينه وبالهنا والشفا يا فوزية
