اكلات مصرية

قررربي يا فوزيه ع العربيه
كلنا بنمووووت في سندوتشات الكبده طبعا
اذ فجاه امبارح واحنا مشيين عدينا من ادام الشرقاوي وكانت ريحتها مفحفحه
اللي بالررده مش الاسكندراني
كان الشيطاان هيوزني اجييب بس لحقت نفسي ^_^
وقلت اعملها النهارده بقا لحسن تطلعلي في قفايا ولا حاجه
وقلت اعملها بكبده من بتاعه الجيش لاني سمعت انها حلوه
جبت نص كيلو كبده ب 15 ونصصص
عملوولي 10 سندوتشااااات
جبت عيش من ابو ربع الصغير وفتحتو جوه بعضو يعني متقطعيش الرغيف نصين لا دخلي نص جوه نص زي بتوع المحلات
تتبيله الكبده بقا ......
7 فصوص توم حلوين مهروسين
عصير 3 ليمونات حلوين كده ... لو هتحطي خل قللي الليمون شويه ....
بس انا استكفيت بالليمون
ورشه كمون ورشه ملح وشكراااا
الكبده بتاعه الحيش بتيجي شرايح رفيعه جاهزه
انا بص قطعتها قطع مستطيله حسب الرغبه
وخلطها مع التتبيله وسيبتهم في التلاجه
لما جيت اعملهم كانت الكبده شربت التتبيله ومفيش ولا نقطه فاضله
وجيت اجيب رده ملقيتش عند الراجل
اغللللب لااا والله عملتها بالبقسماط المطحون العادي
وجمبها طبق جرحير وطبق سلطه خضرا وطحينه
واضرررب يامعلمي وخللي الشعب يعيش
والله مالحقتش اصور السندوتشات كان شكلها جميل
بس هجموا عليها وانا الصراحه كنت جعانه
جمييله يافوزيات وموفررره جدا
10 سندوتشات ب 15 ونص
وبجد الكل كان فرحان بيها وابني بيقوللي انتي جبتي السندوتشات دي من عند مييين
جربوووها ؛)