طريقة طاجن السى فورد بصى يا ستى بعملها ازى
1/2 ك جمبري صغير متقشر ومتنضف من كيس الرمل اللى في ضهره
1/2 ك كاليماري او سبيط متقطع مربعات ومنقوع فى مية بخل لمدة ساعة
1/2 ك سمك فليه متقطع مربعات اكبر شوية من مربعات الكاليماري علشان ميتهريش
بصل متقطع مربعات
فلفل متقطع مربعات ممكن فلفلاية رومي وفلفلاية شطة مولعه
معلقتين بقدونس متقطع صغير
معلقتين كرفس متقطع صغير
حوالى كوباية ونص مية ومدوبة فيهم معلقتين صلصة
و4 طماطم مضروبه فى الخلاط
بهاراات ( ملح - فلفل أسود - كسبرة - كمون - بصل - ثوم )
الطريقة :-
نشوح البصل فى زيت ونحط فوقه التوم ونسيبهم يتشوحوا دقايق
وبعدين نضيف الكرفس ونقلب دقايق
وهنا تنزلى بـ فواكه البحر ونقلب شوية لحد ماينزوا ميتهم
وتنزلى بالفلفل المقطع و البقدونس والبهارات وفضلت اققلب لحد ماكلهم اتشوحوا شوية حلويين
وبعدين نحط كوباية المية المخففه بالصلصة و ننقل كل اللى عملناه فى طاجن وياسلام لو كان فخار هيكون رهيب
ونغطيه بورق فويل وندخله الفرن على درجة حرارة متوسطه لمدة 45 دقيقة
وبعدين نشل ورق الفويل ونحط الطاجن ربع ساعة تحت الشواية
ويقدم مع الأرز الأبيض وبالهنا والشفا