ممكن تقول ان البوست طويل شوية بس كل حرف فيه مهم جدا ليك
الصورة دى من تصحيح امتحانات الثانوية وطبعا كلنا عارفين ان فيه ناس عندهم ضمير وناس تانية مسمعوش عن كلمة ضمير قبل كده وللاسف بيبقو سبب فى ضياع حلم ناس كتير .. بس خلينى اقولك كلمتين
سؤال : هو انا اللى بجيب الظلم لنفسى ولا ربنا اللى بيظلمنى ؟!!
الاجابه اللى ناس كتير ممكن تكون عارفاها بس مش مؤمنين بيها .. ان انا اللى بجيب الظلم لنفسى بدليل كلام ربنا فى ايات كتير قال .. " وما ظلمهم الله ولكن كانوا انفسهم يظلمون " .. فاكيد لو انت اتظلمت يبقى انت عملت حاجه استحقيت عليها الظلم ده ( ذنب - اثم - خطيئة - معصيه ..الخ ) .. وتقدر تقرأ فى القرءان وتشوف ميين هما الظالمين لانفسهم وبيعملو ايه
طيب الحل ايه ؟؟!
الحل انك كل يوم تخصص وقت ولو 5 دقايق تستغفر فيهم ربنا على كل ذنب انت عملته .. فيه حد هيسأل "" هو ممكن ربنا يغفرلى بعد اللى انا عملته "" .. بص اجابتى ليك ايه من القرءان بتقول " ان الله لا يغفر ان يشرك به ويغفر ما دون ذلك لمن يشاء " .. يعنى اى ذنب فى الدنيا ربنا بيغفره عدا ان حد يشرك به
و خليك عارف الحاجتين اللى جايين دول لانهم مهمين جدا
1- الحديث القدسى " انا عند ظن عبدى بى فليظن بى ما يشاء " .. فشوف انت ظنك بربنا ايه وعلى حسب ظنك وايمانك بربنا وثقتك فيه انه مستحيل حد يقدر يظلمك طول ما ربنا معاك فربنا هيحققلك ده
2- الايه اللى بتقول " وكان حقا علينا نصر المؤمنين " .. والمؤمنين هنا مش معناها المؤمنين بربنا ولكن معناها المؤمنين بتحقيق هدفهم .. ف ربنا بيقولك ان حق عليه ينصرك لو انت مؤمن بهدفك ^_^
ومحدش يقول ان المؤمنين معناها المؤمنين بربنا لان بالعقل والمنطق لو معناها كده بكل بساطه ان المؤمنين بربنا بس هما اللى ربنا هينصرهم يعني لو داخلين حرب اللى مش مؤمنين بربنا هيخسرو والمؤمنين ربنا هينصرهم وطبع الكلام ده منطقيا غلط وابسط دليل على كده ان المسلمين لم يهزموا فى غزوة احد لانهم اكيد مؤمنين بربنا .. ولكن عشان هما غلطو وعصو الرسول و مكنوش مؤمنين بالنصر فعشان كده اتهزموا :]
طيب حد هيقول مش ممكن يكون ده ابتلاء من ربنا !!؟ .. مبدأيا كده ابتلاء يعني اختبار مش معناها حاجه سلبيه زى ما احنا بناخد بيها .. و كلنا فى الدنيا فى اختبار ومش شرط الاختبار يكون سلبي بس .. ما اللى معاه كنوز الدنيا وملايين قد كده ده برده فى ابتلاء وابتلاء ايجابي مش سلبي ولكن ممكن جدا يكون انك نقصت فى درجاتك ابتلاء من ربنا عشان كاتبلك الخير فى كلية تانيه مثلا ولكن بكلام ربنا مستحيل حد من البشر اللى زيك يقدر يظلمك .. لكن انت اللى بتجيب الظلم لنفسك
خلى اللحظة دى سبب فى تغيير تفكيرك و وعيك وثقتك فى ربنا ويكون عندك يقين ان مستحيل حد يقدر يظلمك طول ما ربنا معاك ^_^
وربنا يحققلكو كل احلامكو وتبقو احسن ناس فى الدنيا <3
#منقول