تعالي اقولك علي شويه نصايح خدي بالك معايا ★★★.
.لو انتى بشرتك بتجير بعد ما بتحطى الفاونديشين فالسبب بيكون حاجتين اما ان الفاونديشين نشف منك وملحقتيش تدمجيه كويس او ان بشرتك جافة ودى حلها حاجتين كريم مرطب يومى للبشرة الجافة وتشربى ماية كتير أو برايمر خاص للبشرة الجافة قبل الفاونديشين ولازم وانتى بتشترى الفاونديشين تركزى اوى انه مش مط لان المط هيرهق بشرتك الجافة اكتر ..
ولو عملتى كل دة وباردو بشرتك بتجير غيرى نوع الفاونديشن اللى بتستخدميه وانصحك ب maybelline better skin
- لو انتى بشرتك دهنية وبتعانى فى الصيف من لمعان وشك برايمر للبشرة الدهنية قبل الفاونديشين وتركزى ان الفاونديشن يكون مط ميكونش اويلى وانصحك بـ لوس باودر "البودرة السائبة" فوق الفاونديشين هيثبت الميك اب معاكى طول اليوم وانسى اى لمعان او زيوت فى وشك ..
ولو مافيش برايمر يبقة ابسط الحلول ماية ورد على طول على وشك وتلجاية قبل الميك اب هتخلى الدنيا تمام ;)
البنات اللى مهوسة بكيرولان عشان سعره والكفردج العالى بتاعه خصوصا لاصحاب البشرة الدهنية لازم تعرفى ان كيرولان مش للاستخدام اليومى وهترهقى بشرتك جدا
- البنات اللى سنها صغير او المراهقين اللى بيحطو دايما ميك اب بلاش ترهقى بشرتك فى السن دة بالذات .. ولو قفلت معاكى ومبتعرفيش تخرجى من غيره
يبقى Neutrogena Shine Control Foundation
حاجات نيتروجينا كلها بتبقى معمولة دايما للسن الصغير التغطية بتاعته بتبقى مناسبة جدا
وميزته انه خفيف علي البشرة وفيه مكونات بتساعد البشرة انها تتعافى من الحبوب
-البنات اللى مش عارفة الوان الكوركتور بتستخدم فى ايه
اللون الاورنج دة بيستخدم فوق اى لون ازرق فى وشك بقع زرقا او سمرا فى وشك او الهالات الزرقا تحت العين ..
اللون الاخضر دة دايما بنستخدمه للبقع الحمرة حباية .. خطوط حمرة فى الوش او اى بقعة حمرة ..
وفى لون تالت يا بنات بس دة مش بنحتاجه اوى اللون الموف ودة بيستخدم للوش الشاحب او البهتان اللى مدى على صفار
وطبعا اى لون من دة بيتحط عالبشرة قبل الفاونديشن وحطى الفاونديشن فوقيه عن طريق الطبطبة مش دمج عشان متعمليش دمج بين لون الكوركتور والفاونديشن ...