 |
| لازانيا |
الازانيا بكل التكات والحركات يا قمرات
المكونات
علبة لازانيا 500 جرام \ جبنة موتزارلا \ لحمة مفرومة معصجة \بشاميل
اول حاجة هنعصج نص كيلو لحمة مفرومة هنشوح بصلة كبيرة مبشورة فى معلقة زبدة وننزل عليها باللحمة ونشوحهم مع بعض ونضيف الملح الفلفل البهارات توم بودر بابريكا وننزل عليها بكباية كبيرة من عصير الطماطم ومعاهم 3 معالق كبار صلصة ونزود نص كوباية ميه عشان يكون فيها صوص ونسيبها تتعصج واهم حاجة نخلى فيها صوص مش عايزنها تنشف نيجى بعد كده للبشاميل هنشوح 5 معالق دقيق كبار فى زبده او زيت ونضيف عليهم مكعب مرقة تشويحة ونضيف اللبن ونقلب بسرعة عايزة قوام البشاميل ده يكون اخف شوية من قوامة اللى بنعمل بيه المكرونة بالبشاميل ونضيف الملح والفلفل ولما نحصل على القوام المطلوب نشيلة من النار نيجى بقا لرص الصنية اول حاجة هنحط طبقة خفيفة من البشامل وعليها طبقة لحمة وبعدين نرص راق من الازانيا ونحط عليها طبقة خفيفة بشاميل ولحمة ونرش جبنة موتزارلا ونكمل باقى الطبقات كده لحد ما نخلص الازانيا واخر طبقة نحط على الوش لحمة وعليها اخر حاجة البشاميل ونرش جبنة موتزارلا كتير وقطع زبده صغيرة وندخلها الفرن تستوى وتاخد اللون زى الصورة
ملحوظة الازانيا هنحطها نيه فى الصنية والصوص بتاع اللحمة هو اللى هيسويها
وبالهنا والشفا