&بوست ف غايه الاهميه &
البنات والمدامات اللى قربو على التلاتين يجمعو هنا دقيقه :)
بصو كده وبصراحه بقى 😒 انتى داخله فى مرحله عمريه لازم لها شويه اهتمامات واحتياطات وادوات :)
بدايه من طريقه اهتمامك بنفسك وصولا الى اهتمامك بصحتك
وهنا بقى نتكلم
كل اللى هتعمليه هتركزى قووى فى طريقه اكلك وشربك
يعنى مش هتغيرى حاجه بالعكس انتى هتحسى بطعم حلوو وجديد فى الاكل
ازاى ؟؟ 😳
لو بتطبخى بسمنه 😏 الغيها من حياتك لانك بقيتى لاقدر الله معرضه لارتفاع الدهون الثلاثيه والكوليسترول 😱
***لو بتعملى بشاميل الغى حكايه انك تشوحى الدقيق فى زبده
هقولك على طريقه هتديكى طعم احلى ,خدي من اللبن كبايه بارده و دوبي فيها الدقيق و اغلي بقيت اللبن علي النار و حطى الملح والفلفل السود وكباية اللبن الدوبتي فيها الدقيق وقلبى جااامد 👌 والله نفس الطعم
وياسلام لو لبن خالى الدسم 😊 مش خساره فى صحتك على فكره 😊
***المسقعه :) ليه نقلى طالما ينفع نشوى 😂 ايه الفكره فى الزيوووت الكتيير اللى بتعمل كرششش 😁 اييييوه كرش
عايزه تربى كرش اقلى الاكل
بطاطس المسقعه متحمريهاش حطيها مع الصلصه اكنك بتعملى صينيه بطاطس والبذنجان هاتى صينيه تيفال وحطى معلقه زييت واحده ورصى البذنجان وامسحى عليه بفرشه معلقه زيت تانيه وع الفرن 😘 نفس الطعم والله ..
* اللحمه المفرومه ليه تشوحيها فى زيت او سمنه 😣 هى فيها دهون
شوحيها ببصله على نار هاديه ومع البهارات والفلفل الاسمر وخلاص :) لو حسيتى بفرق ابقى ارجعى لطريقتك :)
***المشروبات الغازيه الكولا ده كفيل انه يعملك هشاشه ومع ذلك بتشربى باللتر فى اليوم ..ادخلى واقرى بنفسك عن اضرار الكولا علشان متقوليش انى ببالغ 😳 ده تشربيه فى مناسبه ..تشربيه لانه واحشك ..لكن شرب اكنه ميه !!لا بتقضى على الكالسيوم وعلى نضاره بشرتك ..واقراى برده
***الشيبسى واكلات السناك والحلويات المغلفه لمبادا وهوهوز و....
كتر اكلها بيضعف المناعه بيزود السكر بيسد النفس على المدى البعيد 😰
***الزبادى البلدى شيلى الوش قبل ما تاكليه وجربى سلطه الزبادى بدل الطحينه :)
***قللى الملح فى السلطه وحطى ليمون وكمون 👌 نفس الطعم
***لو هتاكلى كنافه ولا بسبوسه متشربيش شاى محلى
ركزى فى كميه السكر من دلووقتى حبيبتى 😘
***المحشى ليه تسبكى الطماطم وتشوحى البصله كده كده هتستوى
جربى تعمليها نى فى نى ولو الطعم اختلف ارجعى لطريقتك 😃
***البانيه المقلى ..لو لاقيتى حد قالك ان البانيه بدل ما تقليه تشويه وحش او مش لذيذ اعرفى انه غير ذواق 😏 لان البانيه المشوى فى الفرن اطعم والذ واشهى من المقلى وجربى 😚
بعد ما تتبلى البانيه وتحطيه فى الدقيق وبعدين البيض وبعدين البقسماط ادهنى صينيه تيفال بمعلقه زيت واحده وحطى البانيه وبعدين معلقه زيت وفرشه وادهنى البانيه من فوق ولوفى فرق هيبقى فرق احلى 😊
***المشروبات كلها حلوه جربى تضيفى القرفه والشاى الاخضر لقايمه مشروباتك 👌
***طبق السلطه على الغدا لاااازم حتى لو هتتغدى فول وطعميه وكترى من الخيار لانه بيحرق سعرات
***الوجبات الجاهزه اثمها اكبر من نفعها ..خليها مره فى السنه لو خلاص يعنى نفسك تجربى 😫
***شرب الميه خلاص بقى فرض عليكى علشان بشرتك والاملاح والدهون والحرق 😚 فعلا صدق الله وجعلنا من الماء كل شئ حى 👌
***كل دى نصايح فى طريقه اكلك
كل دى نصايح فى طريقه اكلك لا هتغير حياتك ولا هتقلبها
بالعكس انتى هتعدلى كل حاجه كانت غلط وترجعيها لاصلها 😊