اكلات مصرية

البروستيد مش هتلاقى اسهل من كده طريقه وطعم المحلات واجمل كمان مليون مره وجربى والاهم مضمونه وصحيه وريني التفاعل بقي ادمن نونا
1 فرخه متقطعه على 8 قطع بالعظم والجلد خلاص قطعتى الفرخه هاتى حله فيها مايه وبصله سليمه وورق لوره وحبهان وفلفل اسود حصى وشويه ملح وحبه جزر واسلقيها 3/4 سلق وصفيها وسبيها تبرد وحطى عليها عصير 5 ليمونه كبيره ومعلقه كبيره مسطرده وملح وفلفل اسود
تعالى بقى نكمل مع بعض الخطوه اللى جايه دى

1. 1 ونص كوب كبير دقيق 
2. 1 معلقه جنزبيل بودره 
3. 1 معلقه كبيره ثوم بودره 
4. 1 معلقه كبيره بصل بودره 
5. 1 معلقه كبيره كارى بودره 
6. 1 معلقه كبيره زعتر بودره 
7. 5 معلقه كبيره كورن فليكس ساده وكسريه خليه مجروش يعنى 
8. ملح وفلفل اسود 
9. 1 مغلقه صغيره حبهان بودره 

الطريقه هتقلبى كل ده على الدقيق وبعدين تقسمى الخليط ده على نصين نص منهم هتديله مايه وتقلبيه لحد مايكون فى قوام البشاميل بظبط وتركنيه على جنب والنص التانى زى ماهو وتضيفى عليه الكورن فليكس هتسخنى الزيت كويس جدا ويكون غزير يعنى عايزه يغطى الفراخ وانتى بتقليها وبعدين تجيبى قطع الفراخ وتحطيها فى العجينه ومن العجينه على الدقيق ومن الدقيق على القلى لحد ماتاخد اللون الدهبى ممكن تقدمى معاها مسطرده مع عسل النحل وممكن كمان الكاتشب زى ماتحبى وبالهنا والشفا