وصفات لتفتيح البشرة المناطق الداكنة والمناطق الحساسة

تفتيح اسفل الابط

افضل وصفات لتفتيح بشرة المناطق الداكنة والمناطق الحساسة

المكونات :-
1- إسكينول بـ الليمون أو اي نوع تاني بس الليمون أفضل لأنه قوي في التفتيح و بيجيب نتيجة أسرع
اعتقد انه بيتباع في المولات الكبيرة و ده سعره في الغالب بيكون من 25 لـ 30 جنيه
2- 2 ملعقة كبيرة نشا
3- 1 ملعقة كبيرة بيكربونات صوديوم ( كربوناتو ) من عند العطار
4- زيت بيبي جونسون
5. قطن عادي من أي صيدلية
الطريقة :-
1- هتجيبي الإسكينول و تفضيه في زجاجة و تحطي عليه النشا و الكربوناتو و نص العبوة بتاعة زيت بيبي جونسون
2- هترجي الزجاجة كويس جداً لحد المكونات كلها ما تختلط بـ بعضها
3- فضي من الزجاجة على القطنة و امسحي الأماكن اللي فيها غمقان في اتجاه واحد
الاستعمال ازاي و امتي :-
حطي الخلطة دي في الحمام و بعد كل حمام نشفي المنطقة الحساسة كويس جدا و بالقطنة و امسحي المنطقة كلها هتلاقي القطنة مطلعة معاكي بلاوي غير الانتعاش و النضافة اللي هتحسي بيهم
ماتنسيس ترجي الزجاجة كويس كل مرة تستعملي فيها الخلطة لأنك هتلاقي النشا و الكربوناتو بيرقدوا كده فـ لازم ترجي الخلطة كويس كل مرة تستعمليها
داومي على الطريقة دي شهر كده و ادعيلي
الوصفة دي ماتنفعش لـ الوش خالص يا بنات هي لـ المناطق الحساسة و الإبطين لأنها قوية جدا و وشك مش هيستحملها