الاهتمام بالمنطقة الحساسة
السلاام عليكم يا بنات
مين موجود نتكلم عن الاهتمام بالمنطقه الحساسه ونعمل ملف كام عنها؟هاااااااااااا مين موجوووووووووووووود؟
مبدئيا قبل ما نبتدي في حوار الاهتمام بالمنطقه الحساسه لازم نقسم الموضوع لشقين
الشق الاول:الاسمرار
الشق التاني:الروائح الكريهه
اركنو بقه الشقين دول علي جنب وتعالو الاول نفهم شوية حجات بنعملها غلط في عاداتنا اليوميه العاديه
عشان انا حاسه ان كلكو ماسكين الاقلام ...بس دكتور مها هتدينا الكريم السحري اللي هيشقلب الدنيا في تلت ساعات ونص
هههههههههه قبل ما نقول حلول وسحريه والكلام ده لازم الاول نعرف شوية عادات يوميه غلط بنعملها بتاثر بشكل كبير في نتايج سلبيه
1-اعملي سنن الفطره:بمعني ببساطه شديده نتف الابط وحلق العانه
حلق؟ يادكتور مها بتقولي حلق....لا معلش انا لا يمكن ومستحيل اني استعمل غير السويت
بصي بقه اولا لازم نتفق مع بعض ان ده كلام الرسول وما ينطق عن الهوي ولو كان النتف للعانه حلو والله كانت السيده عائشه قالتلنا لا يا جماعه احنا كستات لينا قصه تانيه
بس معلش يعني يا دكتور المنظر بيبقي شنيع والشعر بيطلع خشن اوووووي وبقعد اهرش وشكله بيكون وحش وموال
ماشي يا ستي ما احنا عاملين الموضوع ده عشان نشوف حل مع بعض
بصي...استعمال السويت في المكان بتاع البكيني ده بالذاااااااات مصيبه كبيره لان بعد فتره بيحصل ترهل والنهايات العصبيه بتتاثر وهنخش في برود وقصص ملهاش تلاتين لازمه
يبقي نتفق سوه ان الحلق في البكيني والنتف في ال under arms
طيب هنعمل كده ازاي استني هقولك في الاخر
2-ارجوووووووكي ارجوووووووووكي لازم الاندر بتاعك طول اليوم يكون فيه حاجتين اساسيتين
الحاجه الاولي انه يكون قطن لا بوليستر فيه ...والحاجه التانيه يستحسن لو يكون شورت خصوصا لو انت من هواة لبس الفساتين والكلام ده ومبتلبسيش بنطلون انما لو بتلبسي البنطلون جوه البيت وبره خلاص ممكن اندر عادي
طيب ليه؟
عشان الحجات ده من اهم العوامل المؤثره في اسمرار منطقة البكيني اسمرار متاصل والله لو جبتي ميت كريم مفيش فايده لنك ببساطه في حاجه كبيره اوي غلط انت بتعمليها بتطغي علي اي كريم واي اهتمام
3-الاهتمام بالنضافه الشخصيه فترة البريود له دور كبير جددددددا في موضوع الرائحه الغير مرغوب فيها اللي بتعاني منها بعض البنات طول الشهر
طبعا بتراعي انك تغير البادز من تلت مرات لاربعه في اليوم مع استعمال الغسول المناسب زي سيتيال مثلا
طيب وبعد البيريود ما تخلص؟
الستات المتزوجات بتجيبي قطنه وبتغرقيها مسك الطهاره وبتحطيها في منطقة المهبل بس مش تدخليها اوي يعني وتضيع وندور عليها ...لا قطنه تكون علي شكل اسطواني وطويله وتمليها مسك طهاره محترم وتحطيها نص ساعه مثلا بعد الاغتسال والتشطيف كويس جدا
طيب والبنات اللي مش متزوجات؟ ولا حاجه حاولي تحطي مسك الطهاره من بره
ولكن الخطوه ده ضروريه جددددددددددا جدددددددا للقضاء علي روايح غير مرغوب فيها بقية الشهر وممكن تكرري الموضوع ده كمان مره في نص الشهر
4-حاولي بعد كل مره تدخلي التويلت انك تغسلي بصابون مناسب او حتي ممكن شامبو لتطهير الاماكن الخارجيه ولازم تعملي فوطه صغيره تتغير بشكل يومي تنشفي بيها
بعتذر عن الكلام والتفاصيل الممله ولكن غرضي اني اتكلم في ادق التفاصيل عشان افيدكو كويس جدا لان كل تفصيله صغيره هتفرق معانا كتير
ها اكمل؟؟؟؟؟؟ الدكتورة مها