كبده اسكندرانى تاكلي صوابعك وراها

كبده اسكندرانى 

كبده متقطعه ترنشات صغيره

4 فص ثوم مدقوق فى الهون ونركز اوى انه يكون مدقوق فى الهون دى

2 قرن فلفل حامى بردوه فى الهون مدقوق

1 معلقه كبيره كزبره ناشفه

1 معلقه كبيره كمون

فلفل اسود وملح

عصير 2 ليمونه كبيره

1 معلقه خل كبيره

2 فلفل حامى غير اللى قلنا عليه فوق مقطع ترنشات

معلقه صغيره شطه بودره حسب الرغبه

الطريقه

بعد تقطيع الكبده بجيب طاسه وبسخنها كويس جدا وتكون حاميه بحط شويه زيت بسيطه فيها وبعد كده بنزل بالثوم المدقوق وبقلب كويس اوى وبعد كده بنزل بالكمون والكزبره وهنا انا بدات بالكمون والكزبره قبل الكبده لان ده بيعمل ريحه وطعم هايلين وبعد كده بننزل بالكبده وبلفها كويس والاهم تكون الطاسه لسه حاميه لانى عايز الكبده مش تنزل المايه اللى فيها وبعد كده بنزل بالفلفل الحامى المدقوق وبقلب كويس اوى وبعدين الفلفل الحامى الترنشات وبعدين الملح والفلفل وعصير الليمون والخل وبرفعها من ع النار والعيش بقى يكون سخن ومتنسيش الطحينه اللى هتدهنى بيها العيش

وبالهنا والشفا