بلح عبير الشام
اول مره اعمله
ماما الله يرحمها للى كانت بتعمله
تعالواااااا
المقادير
2ونص كوب ميه
وربع كوب زيت
و2 كوب دقيق
و3 بيضات واحتمال يحتاج واحده رابعه
وملعقه سكر
وملعقه ملح
وبيكنج بودر
وملعقه خل
وملعقه نشا
و2 ملعقه سميد
الطريقة
الميه مع الزيت وبمجرد ماتغلى نضيف الدقيق مره واحده وبسرعه مع التقليب ع نار هاديه ونضيف السكر والملح والبيكنج بودر ونقلب ونترك العجينه تهدى وتبرد ونضيف بيضه بيضه ثم الخل و النشا والسميد وتكون جاهزه للتشكيل
القمع للى عندى عادى عملت بيه ( الجيش قالك اتصرف )
الزيت يكون بارد عشان يطلع هش ونحط العجينه بالقمع وع الزيت البارد وبعدها نعلى النار بس مش اوى يعنى متوسطه ويطلع ع شربات بارد تقيل
ملحوظه كل طاسه تحطيها يكون الزيت بارد
بالف هنا